Jetisý oblysynda modýldi dárigerlik ambýlatorııa ashyldy
17:49, 25 Qazan 2022
TALDYQORǴAN. QazAqparat - Respýblıka kúnine oraı Jetisý oblysy Alakól aýdanynyń Eńbekshi aýylynda modýldi dárigerlik ambýlatorııa halyq ıgiligine berildi, - dep habarlaıdy QazAqparat tilshisi.
Zamanaýı qural-jabdyqtarmen jabdyqtalǵan densaýlyq saqtaý nysanynyń jalpy quny 78 mln teńge.
Ǵımarattyń jalpy aýdany 110 sharshy metr, jeti bólmeden turady. Dárigerlik ambýlatorııa 8 adamdy jumyspen qamtıdy.
Esterińizge sala keteıik, buǵan deıin Jetisý oblysynda medıtsınalyq pýnktter salynyp jatqanyn habarlaǵan bolatynbyz.