Jetisý oblysynda meıramhanaǵa toıǵa kelgen 20 qonaq ýlanyp qaldy

TALDYQORǴAN. QazAqparat- Jetisý oblysy Qabanbaı aýylynda toıǵa barǵan 20 adam ýlandy, dep habarlaıdy QazAqparat tilshisi.

Jetisý oblysy sanıtarııalyq-epıdemıologııalyq baqylaý departamentiniń málimetinshe, 28 tamyz kúni Alakól aýdandyq sanıtarııalyq-epıdemıologııalyq baqylaý basqarmasyna aýdandyq aýrýhanadan habar túsken.

Onda «ınfektsııalyq shyǵý tegi ózge jáne anyqtalmaǵan gastroenterıt jáne kolıt» aldyn ala dıagnozy qoıylǵan 20 adam aýrýhanaǵa túskeni aıtylǵan.

«Alakól ortalyq aýdandyq aýrýhanasynda zardap shekken bar adamǵa alǵashqy medıtsınalyq kómek kórsetildi. Onyń11-i juqpaly aýrýlar bólimine jatqyzyldy, qalǵan 9-y aýrýhanaǵa jatýdan bas tartty. Naýqastardyń jaǵdaıy birqalypty»,- dep habarlady departamenten.

Vedomstvo ókilderiniń aıtýynsha, Kásipkerlik kodekske sáıkes epıdemıologııalyq tergeý bastaldy.

«Tergeý barysynda epıdemıologııalyq anamnezge sáıkes bul jaǵdaı 27 tamyzda Qabanbaı aýylynyń «Shaǵala» meıramhanasynda ótken úılený toıynda daıyn taǵamdardy tutynýmen baılanysty ekeni anyqtaldy. Oblystyq jáne aýdandyq múddeli organdarǵa hat joldandy»,- dep atap ótti Jetisý oblystyq sanıtarııalyq-epıdemıologııalyq baqylaý departamenti mamandary.