Jetisý oblysynda kórshisin onlaın nesıe alýǵa májbúrlegen kúdikti ustaldy
13:31, 26 Maýsym 2023
TALDYQORǴAN.QazAqparat - Jetisý oblysynda kórshisin onlaın nesıe alýǵa májbúrlep, aqshasyn tartyp alǵan kúdikti ustaldy, dep habarlaıdy QazAqparat tilshisi.
Atalǵan fakt Qaratal aýdanynda tirkeldi. Onda polıtseıler Úshtóbe qalasynyń 25 jastaǵy turǵynyna qatysty jasalǵan tonaý faktisi boıynsha tergep-tergeý jumystaryn bastady.
Jas jigitti óz kórshisi qorqytyp, onlaın-nesıe alýǵa májbúr etip, aqshanyń barlyǵyn ózine alyp alǵan.
«Kúdikti retinde buryn uqsas quqyq buzýshylyqpen, ıaǵnı tonaý úshin jaýapqa tartylǵan 21 jastaǵy jigit ustaldy. Nesıe somasy shamamen 30 myń teńge, aqshanyń barlyǵyn ol jumsap úlgergen. Qazir ustalǵan adam ýaqytsha ustaý ızolıatoryna qamaýǵa alyndy. Tonaý faktisi boıynsha tergeý amaldary júrgizilýde», - dedi Qaratal aýdany polıtsııa bóliminiń bastyǵy Nurbolat Shamý.