Jetisý oblysynda kóliktiń dóńgelegi jarylyp, 20 jastaǵy mert boldy
«BMW» avtokóliginiń 20 jastaǵy júrgizýshisi «Almaty-Óskemen» tasjolynyń 192 shaqyrymynda rýlge ıe bola almaı, kólik aýdarylǵan.
Oqıǵa ornynda 20 jastaǵy qyz mert boldy. Ár túrli jaraqattarymen kólik júrgizýshisi men jolaýshysy Saryozek aýrýhanasyna jatqyzyldy.
«Jol apaty avtomobıldiń nashar tehnıkalyq jaǵdaıyna, ıaǵnı talaptarǵa saı kelmeıtin dóńgelektiń jarylyp ketýine baılanysty boldy dep boljanýda. Qurmetti júrgizýshiler, óz kóligińizdiń tehnıkalyq jaǵdaıyn muqııat qadaǵalańyz. Dóńgelekterdegi «rezeńkeni» der ýaqynda (jyl maýsymyna sáıkes) aýystyryńyz. Jol erejesi men ruqsat etilgen jyldamdyq rejımin saqtańyz. Avtokólikti basqarý kezinde Siz ózińiz úshin ǵana emes, sonymen qatar jolaýshylardyń, sondaı-aq jol qozǵalysynyń basqa da qatysýshylarynyń ómiri men densaýlyǵy úshin de jaýapty ekenińizdi umytpańyz«,- delingen Jetisý oblystyq polıtsııa departamenti baspasóz qyzmetiniń habarlamasynda.