Jetisý oblysynda kólik júrgizýshilerine úsh aıda 345 mln teńgeden astam aıyppul salyndy
19:47, 26 Sáýir 2023
TALDYQORǴAN. QazAqparat – Jetisý oblysynda jol qozǵalysy erejelerin buzǵan kólik júrgizýshilerine úsh aıda 345 mln teńgeden astam aıyppul salyndy, dep habarlaıdy QazAqparat polisia.kz telegram kanalyna silteme jasap.
Bıylǵy jyldyń І toqsanynda júrgizilgen taldaýǵa sáıkes, Taldyqorǵan qalasynyń mańynda jáne oblys ortalyǵyndaǵy 8 bekette (18 beınekamera) jumys isteıtin VIDAR ATJ kameralary QR Jol qozǵalysy erejeleri boıynsha 14 814 zań buzýshylyqty tirkedi.
Kólik júrgizýshilerine jalpy somasy 345 278 010 teńgege aıyppul salynyp, 260 mıllıonnan astamy óndirildi.
Aıta ketsek, 26 sáýirde Taldyqorǵan qalasynda jáne onyń mańynda VIDAR kameralary ornatylǵan taǵy 10 post shtattyq rejımde qosymsha jumys isteı bastady.