Jetisý oblysynda kólik apatynan úsh adam mert boldy
12:07, 24 Qyrkúıek 2022
TALDYQORǴAN. QazAqparat - Jetisý oblysynda kólik apatynan úsh adam mert bolyp, ekeýi jaraqattandy, - dep habarlaıdy QazAqparat tilshisi.
Kólik apaty 24-qyrkúıek kúni Sarqan aýdanyndaǵy Almaly aýylynyń mańynda bolǵan.
«Toıota Haılıýks kóligin 38 jastaǵy turǵyn tizgindegen. Ol Almaty-Óskemen tasjolynyń 427-shi shaqyrymynda rólge ıe bola almaı, aýdarylǵan. Oqıǵa ornynda úsh adam mert boldy»,- delingen Jetisý oblystyq polıtsııa departamenti baspasóz qyzmetiniń habarlamasynda.
Vedomstvonyń aqparatyna sáıkes, kólik júrgizýshisi men 48 jastaǵy jolaýshy túrli dene jaraqatymen aýrýhanaǵa tústi. Qazir atalǵan faktige qatysty QR QK 345 babynyń 4-shi tarmaǵyna sáıkes tergeý júrip jatyr.