Jetisý oblysynda kólik apatynan 4 adam zardap shekti

TALDYQORǴAN. QazAqparat - Jetisý oblysynda kólik apatynan 4 adam zardap shekti, - dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Bul fakti Eskeldi aýdanyndaǵy Aqyn Sara aýylynda boldy.

«21 maýsymda VAZ-2114 avtokóligi aýdaryldy. Oqıǵa kezinde jaraqat alǵan 24-50 jas aralyǵyndaǵy 4 er adam aýrýhanaǵa jetkizildi. Alǵashqy medıtsınalyq kómek kórsetilgennen keıin úsheýi ambýlatorııalyq emdelýge jiberildi», - delingen Jetisý oblystyq polıtsııa departamenti baspasóz qyzmetiniń habarlamasynda.

Eskeldi aýdandyq polıtsııa qyzmetkerleri kólik apatynyń mán-jaıyn anyqtaýda.

Polıtsııa júrgizýshilerdi jol qozǵalysy erejelerin qatań saqtaýdy eskertedi.