Jetisý oblysynda qaýipti 61 ýchaske jáne 416 muzdaq kól bar - QR TJM

ASTANA. QazAqparat - Muzdaq-muzdyq kólder men qar kóshkini qaýpi bar ýchaskelerdiń jaı-kúıine monıtorıng júrgizý maqsatynda Jetisý-Alataý taý jotasyna aerovızýaldy tekserýler júrgizildi, dep habarlaıdy QazAqparat.

QR Tótenshe jaǵdaılar mınıstrliginiń baspasóz qyzmeti taratqan aqparattarǵa qaraǵanda, áýeden barlaý jumystaryna Jetisý oblysy ákiminiń orynbasary A.A. Jaqanbaev, Jetisý oblysy TJD bastyǵy B.Sh. Іzbasarov, «Qazseldenqorǵaý» MM oblystyq fılıaly basshysynyń m.a. A.S. Sabyrbaev jáne TJD TJAAB bastyǵy R. T. Tazabekov qatysty.

«Búgingi tańda taýly jerlerde qar jamylǵysynyń qalyńdyǵy 70-ten 150 sm-ge deıin. Qar kóshkininiń ózdiginen túsýi anyqtalǵan joq. Gıdrologııalyq jaǵdaılar turaqty, muzdaq kólder qysqy rejımde, taýly aımaqtarda kóshkin qaýpi saqtalady»,-delingen mınıstrliktiń habarlamasynda.

Sonymen qatar onda oblys boıynsha kóshkin qaýpi bar 61 ýchaske jáne 416 muzdaq kól bar ekeni aıtylady.

Foto: t.me/qr_tjm