Jetisý oblysynda ishimdik ishken kólik júrgizýshi jol apatyna túsip, mert boldy

TALDYQORǴAN. QazAqparat – Jetisý oblysynda ishimdik ishken kólik júrgizýshi jol apatyna túsip, mert boldy, dep habarlaıdy QazAqparat tilshisi.

«Jol-kólik oqıǵasy Eskeldi aýdanynda boldy. «Folksvagen Golf-3» avtokóligin basqara almaı qalǵan 30 jastaǵy er adam «Abaı-Eshkiólmes» tas jolynda aýdaryldy. Júrgizýshi mas bolǵan dep boljanýda», – delingen Jetisý oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, er adam oqıǵa ornynda qaıtys boldy. Іs júzinde sotqa deıingi tergeý amaldary bastaldy.