Jetisý oblysynda esirtki satýshy marıhýana saýdalap turǵan jerinen ustaldy

TALDYQORǴAN. QazAqparat – Jetisý oblysynda júrgizilgen arnaıy operatsııa kezinde esirtki satýshy qylmysy ústinde qolǵa tústi, - dep habarlaıdy QazAqparat tilshisi.

Oblystyq polıtsııa departamentiniń qyzmetkerleri Tekeli qalasynda arnaıy operatsııa júrgizdi. «Búrkit» arnaıy jasaǵynyń kómegimen 38 jastaǵy esirtki satýshy ustalyp, odan 1 keliden astam keptirilgen marıhýana tárkilendi.

«Іs-shara Qarasora jedel aldyn alý is-sharasy aıasynda júrgizildi. Kúdikti 62,26 gramm marıhýanany satý kezinde ustaldy. Sonymen qatar, jalpy salmaǵy 1 keliden asatyn esirtki onyń turǵylyqty jerinen Moınaq qyzmettik izdeý ıtiniń kómegimen qalalyq sot sanktsııalaǵan tintý kezinde tabyldy. Ustalǵan azamat buryn urlyq, alaıaqtyq jáne kólik urlaý derekteri boıynsha birneshe ret qylmystyq jaýapkershilikke tartylǵan», - dedi Jetisý oblysy PD Esirtki qylmysyna qarsy is-qımyl basqarmasy bastyǵynyń orynbasary Aıan Isabekov.

Jyl basynan beri oblys polıtsııasynyń kúshimen zańsyz aınalymnan 40 keliden astam túrli esirtki tárkilendi. Onyń ishinde 2 keliden astamy – «sıntetıka». 22 esirtki satýshy ustalyp, qylmystyq jaýapkershilikke tartyldy.