Jetisý oblysynda eki kópirdi sý shaıyp ketti

TALDYQORǴAN. QazAqparat - Jetisý oblysynda qalyń nóser saldarynan ózen arnasynan tasyp, jańadan salynyp jatqan joldyń eki kópirin shaıyp ketti, - dep habarlaıdy QazAqparat tilshisi.

«15 maýsym kúni jaýyn-shashynnyń kóp túsýine baılanysty oblystyq mańyzy bar jol, Saryózek-Kóktal, Shanhanaı aýylyna kireberis joldaǵy eki qubyrly kópirdi shaıyp ketti. Qazirgi ýaqytta jol jabyldy. Aınalma jol bar», - delingen oblystyq tótenshe jaǵdaılar departamentiniń baspasóz qyzmeti taratqan habarlamada.

Ózen sýy eki qubyr tárizdi kópirdi shaıyp, jol boıynda ornalasqan tórt úıdiń aýlasyna kirgen.

Zardap shekkkender joq. Tótenshe jaǵdaı departamentinen 7 adam jáne 1 tehnıka, jergilikti atqarýshy bılik tarapynan oqıǵa saldaryn joıýǵa kiristi.

Kerbulaq aýdany ákimdiginiń málimetinshe aınalma jol bar. Qozǵalys qalpyna keltirildi.