Jetisý oblysynda birneshe aýla men kósheni tasqyn sý basty
«5 naýryzda aýa temperatýrasynyń +15 s° deıin kóterilýinen qardyń jyldam erýine baılanysty Jetisý oblysy Kerbulaq aýdanynyń Qyzyljar aýylynda aýyldyń shyǵys bóliginde ornalasqan egistikterden erigen qar sýy aǵyldy. Aryq júıesi tasqyn sý kólemine tótep bere almaı, sý Shynybek kóshesin basyp qaldy, 4 aýla aýmaǵy sý astynda qaldy.
Qaza bolǵandar, zardap shekkender, sondaı-aq turǵyn úılerdi sý basý faktileri tirkelgen joq.
Qazirgi ýaqytta jaǵdaı turaqty, sý deńgeıi tómendedi. Erigen sý tranzıttik rejımde Baıǵazy ózenine ketýde», - delingen taratylǵan habarlamada.
Qazir jergilikti atqarýshy organdardyń, Jetisý oblystyq Tótenshe jaǵdaılar departamentiniń jáne jergilikti turǵyndardyń (66 qyzmetker jáne 11 tehnıka) kúshimen aryq júıesin tereńdetý, tazartý, ınertti materıaldary bar qapshyqtar daıyndaý júrgizilip jatyr. Sondaı-aq tasqyn sýdy egistikterden shyǵarý úshin arnalar qazylyp jatyr.
«Qazgıdromet» RMK eskertýine sáıkes, 6-8 naýryz aralyǵynda kúnniń kúrt jylynýyna baılanysty Jetisý oblysynda qar jyldam erip tasqyn sý qalyptasady, taý betkeılerinen erigen qar sýy aǵyp, ózen-kólderde muz álsireıdi, sý deńgeıi kóterilip, arnasynan tasıdy.
«Osyǵan baılanysty turǵyndardy úılerine irgeles ornalasqan aryq jelileri men qubyrly ótkelderdi qardan, muzdan jáne qoqystan tazartý sharalaryn qabyldaýǵa shaqyramyz», - deıdi Jetisý oblysy TJD baspasóz qyzmetinen.