Jetisý oblysynda aıýmen sýretke túsken adam anyqtaldy

TALDYQORǴAN. QazAqparat - Jetisý oblysynyń polıtseıleri atylǵan aıýmen sýretke túsken er adamdy anyqtady, - dep habarlaıdy QazAqparat tilshisi.

«Belgili bolǵandaı, fotosýret osy jyldyń qyrkúıek aıynda Eskeldi aýdanynyń taýlarynda túsirilgen. Sýrettegi adam 41 jastaǵy jergilikti turǵyn bolyp shyqty. Er adam ustalyp, aýdandyq polıtsııa bólimine aıǵaq berý úshin jetkizildi»,- delingen Jetisý oblystyq polıtsııa departamenti baspasóz qyzmetiniń habarlamasynda.

Іs boıynsha tergeý QR QK 337-babyna sáıkes «Janýarlardyń sırek kezdesetin jáne quryp ketý qaýpi tóngen túrlerine, sondaı-aq paıdalanýǵa tyıym salynǵan janýarlarǵa qatysty jasalǵan» is júrgizilip jatyr.

Qylmystyq isti tergeýdi Jetisý oblystyq Polıtsııa departamenti baqylaýǵa aldy.

Aıta keteıik, osyǵan deıin Jetisý oblysynda aıýmen sýretke túsken adamdy polıtsııa izdestirip jatqanyn habarlaǵan bolatynbyz.