Jetisý oblysynda 3 áıel kólik apatynan mert boldy

TALDYQORǴAN. QazAqparat - Jetisý oblysynda 3 jolaýshy áıel adam kólik apatynan mert boldy, dep habarlaıdy QazAqparat tilshisi.

Jol apaty «Almaty-Óskemen» tasjolynyń Kóksý aýdany aýmaǵynda boldy.

«Toıota Kamrı» men «Toıota Lend Krýzer Prado» kólikteri soqtyǵysyp, saldarynan 3 adam qaza tapty.

Jetisý oblystyq polıtsııa departamenti baspasóz qyzmetiniń aqparatyna sáıkes, kólikterdiń biriniń dóńgelegi jarylyp, bul eki kóliktiń soqtyǵysýyna ákelgen.

«JKO saldarynan jol talǵamaıtyn kólik salonyndaǵy úsh jolaýshy áıel oqıǵa ornynda kóz jumdy. Eki kóliktiń júrgizýshileri de túrli dene jaraqatymen aýrýhanaǵa jetkizildi»,- delingen vedomstvonyń habarlamasynda.

Polıtsııa júrgizýshilerdi ruqsat etilgen jyldamdyqty qatań saqtaýǵa jáne jol erejesin buzbaýǵa shaqyrady.