Jetisý oblysynda 20 mln teńgeden astam qarjyǵa VIP nómirler satyldy
«Jetisý oblysy qurylǵan ýaqyttan beri, ıaǵnı 2022 jyldyń 15 shilde men 31 jeltoqsan aralyǵynda 20 682 455 teńgege kóliktiń 64 VIP nómiri satyldy. Onyń ishinde, 41 kóliktiń memlekettik tirkeý nomeri 19 aımaq belgisimen rásimdeldi. Halyq arasynda 019 AAA 19, 919 AAA 19, 999 AAA 19 nómirlerine suranys joǵary»,- dedi «Azamattarǵa arnalǵan úkimet» korporatsııasy Jetisý oblysy boıynsha fılıalynyń dırektory Samat Imanǵalıev.
Jalpy, Jetisý oblysynda kóliktiń 19 aımaq memlekettik tirkeý nomeri 21 qyrkúıekte berile bastady.
Osy ýaqyttan beri 4995 adam jańa aımaqtyń nomerimen kólikterin rásimdedi.
Aıta keteıik, jalpy kólikke VIP nómir alýdyń baǵasy 174-698 myń teńge aralyǵynda.
Máselen, 010,020.030 syndy sandardan bastalatyn kóliktiń VIP nomeri 174 591 teńge bolsa,100, 200, 500 syndy sandar - 419 631 teńge.
Al 001, 002, 003, 007 VIP nomerlerdiń baǵasy 698 364 teńgege baǵalanǵan.