Jetisý oblysynda 15 jyl boıy izdeýde júrgen azamat ustaldy

TALDYQORǴAN. QazAqparat - Jetisý oblysynda 15 jyl boıy izdeýde júrgen azamat ustaldy, - dep habarlaıdy QazAqparat tilshisi.

Jetisý oblysy Polıtsııa departamentiniń jedel ýákilderi Kóksý aýdanynda 51 jastaǵy er adamdy ustady. Ol 2008 jyldan beri Reseıde esirtkimen baılanysty qylmys jasady degen kúdikpen memleketaralyq izdeýde júrgen.

«Jetisý polıtseıleri Reseı Federatsııasynyń Krasnoıarsk ólkesi quqyq qorǵaý organdarynyń izdestirý ótinishin oryndap, olarǵa kúdiktiniń ornalasqan jeri týraly aqparatty jiberdi. Belgilengen er adamǵa qatysty istiń barlyq mán-jaılary anyqtalǵanǵa deıin «Kelý týraly mindetteme» bultartpaý sharasy tańdaldy»,- delingen Jetisý oblystyq polıtsııa departamenti baspasóz qyzmetiniń habarlamasynda.