Jetisý oblysynda 14 jasar oqýshy mototsıklmen kólikke soǵylyp qaza boldy
22:20, 14 Qyrkúıek 2022
TALDYQORǴAN. QazAqparat - Jetisý oblysynda mototsıkl tizgindegen oqýshy qaza boldy, - dep habarlaıdy QazAqparat tilshisi.
«Oqıǵa Kerbulaq aýdany Taldybulaq aýylynda 14 qyrkúıek kúni kúndiz boldy. Anyqtalǵandaı, 14 jastaǵy oqýshy qytaılyq mototsıkldi basqaryp, ekinshi dárejeli kósheden basty kóshege shyǵyp bara jatqan kezde Nissan Maxima avtokóligimen soqtyǵysqan» delingen Jetisý oblystyq polıtsııa departamenti baspasóz qyzmetiniń habarlamasynda.
Vedomstvonyń aqparatyna sáıkes, bala aýyr jaraqat alyp, oqıǵa ornynda qaıtys boldy. Jol kólik oqıǵasy boıynsha qajetti saraptamalar taǵaıyndalyp, QR QK 345-babyna sáıkes sotqa deıingi tergeý amaldary bastaldy.