Jetisý oblysynda 1,5 mlrd teńgege balalar lageri salynýda

TALDYQORǴAN. QazAqparat – Jetisý oblysynyń Alakól aýdanynda 1 mlrd 400 mln teńge qarjyǵa balalardyń jazǵy lageri salynyp, mekeme demalýshylardy qabyldaýǵa daıyndyq ústinde, dep habarlaıdy QazAqparat tilshisi.

Jetisý oblystyq Bilim basqarmasynyń málimetinshe, jazǵy saýyqtyrý kesheniniń qurylysy 2021 jyly bastalǵan. Joba quny 1 mıllıard 400 mıllıon teńge. Qarjy jergilikti bıýdjetten bólingen.

«Alakól aýdanynyń Aqshı aýylynda ornalasqan «Jalyn» balalarǵa arnalǵan saýyqtyrý lagerine shilde aıynan qabyldaý bastalady. Bul keshen 200 oryndyq. Lagerde birinshi kezekte áleýmettik osal toptardyń balalary tynyǵatyn bolady.

Jalpy bıyl 13 338 oqýshy jazǵy lagerge tegin barady. Demalýshylardyń barlyǵy áleýmettik osal toptyń balalary», - dedi Jetisý oblystyq Bilim basqarmasy basshysynyń orynbasary Álisher Basharov.

Aıta keteıik, áleýmettik osal otbasylarda tábıelenetin balalardy tegin demalyspen qamtý úshin jergilikti bıýdjetten 622 mln teńge bólingen.