Jetisý fermerleri sýbsıdııa ala almaı qalýy múmkin - senator

ASTANA. QazAqparat - Senator Ǵalıasqar Sarybaev elimizdiń Premer-Mınıstri Álıhan Smaıylovtyń atyna joldaǵan depýtattyq saýalynda aýyl turǵyndarynyń problemalary týraly aıtyp berdi, dep habarlaıdy QazAqparat tilshisi.

Bıyl Almaty jáne Jetisý oblystarynyń shekaralary belgilendi. Aldyn ala esepteýler boıynsha jer ýchaskelerin qaıta tirkeýge jáne tıisti qujattardy qaıta resimdeýge shamamen 3,5 mlrd teńge qajet bolady. Mundaı shyǵyndar kásipkerler men ferma basshylarynna qarjylaı aýyrtpalyq túsiredi.

Senatordyń aıtýynsha, qazir Jetisý oblysynda qaıta tirkeýge jatatyn 238 myńnan astam nysan bar. Jer telimderine qaıta resimdeý jasalmaǵan jaǵdaıda, aýyl turǵyndary memleketten óńirlerdi damytýǵa baǵyttalǵan sýbsıdııa alý múmkindiginen aıyrylýy múmkin.

«Memlekettik organdardyń sheshimimen eldi mekenderdiń ákimshilik-aýmaqtyq qurylysy nemese shekaralary ózgergen jaǵdaıda jer ýchaskeleri eldi mekender shegine qosylǵan kezde, jer ýchaskeleriniń sáıkestendirý qujattaryn aýystyrý bıýdjet qarajaty esebinen júzege asady. Osy oraıda QR Bıýdjet kodeksiniń 46-baby 2-tarmaǵynyń 1-tarmaqshasyna sáıkes, 2023-2025 jyldarǵa arnalǵan jalpy transfertter aıasynda respýblıkalyq bıýdjetten kezeń-kezeńimen qarjylandyrý múmkindigin qarastyrýyńyzdy suraımyz», - dedi senator.

Foto: assets.wam.ae