Jetisaılyq sharýalardyń ónimi Almaty qalasynda deldalsyz satylatyn boldy
Áleýmettik jelide jetisaılyq sharýalardyń janaıqaıy taraǵan bolatyn. Onda qaýyn ekken dıqandar jaz boıǵy eńbeginiń dalaǵa ketip jatqanyn aıtady. Sondaı-aq, qaýyndaryn sata almaı, malǵa berýge májbúr bolyp otyrǵandyǵyn jetkizgen.
Jetisaı aýdanynyń ákimdiginiń habarlaýynsha, budan bylaı óńir sharýalary aýyl sharýashylyǵy ónimderin Almaty qalasynda deldalsyz saýdaǵa shyǵarý múmkindik jasalyp otyr.
«Almaty oblysy Saýda departamenti basshylarymen jáne «Altyn orda» bazary basshylarymen júrgizilgen kelissózder nátıjesinde Jetisaı aýdanynyń aýyl sharýashylyǵy taýaryn óndirýshileri úshin óz ónimderin deldalsyz qala turǵyndaryna satýǵa arnalǵan arnaıy tegin oryn belgilendi. Belgilengen orynda sharýalar baqsha, kókónis ónimderin sata alady. Ol úshin baqsha, kókónis daqyldaryn ósirýshi sharýalar jergilikti aýyldyq okrýg ákimshiliginen anyqtama alyp, ózderimen birge alyp barýlary qajet» - aýdan ákimdigi taratqan delingen aqparatta.