Jetisaılyq sharýalar kóktemde 7 mln teńgege deıin tabys tapqan
Marat Abýovtyń aıtýynsha,bıylǵy segiz aıda aýdanda aýyl sharýashylyǵy salasynda jalpy óndirilgen ónimniń naqty kólem ındeksi 102,7 paıyzdy quraǵan.
«Onyń ishinde egin sharýashylyǵy - 105 paıyz, mal sharýashylyǵy - 101,4 paıyzdy quraǵan. Qarjyǵa shaqqanda óndirilgen ónim kólemi 16 mlrd 464,2 mln teńgeni quraǵan. Byltyrǵy jylmen salystyrǵanda aýyl sharýashylyǵyndaǵy jalpy ónim kólemi 3,5 mlrd teńgege artyq óndirildi», - deıdi aýdandyq aýylsharýashylyǵy bóliminiń basshysy.
Odan bólek bólim basshysynyń málimeti boıynsha kókónis daqyldarynyń da kólemi de birshama kóbeıgen. Bul daqyldardyń ishindegi negizinen eksportqa qyryqqabat daqylynyń egis kólemi men ónim kólemi artýda. Byltyr sharýalar 850 ga jerden 24 myń tonna ónim alǵan bolsa, bıyl 1022 gektardan 36 myń tonna ónim jınaǵan. Atalǵan daqyldyń baǵasy 240 teńgege deıin saýdalandy. Nátıjesinde sharýalar árbir gektarynan 5-7 mln teńgege deıin tabys taýyp otyrǵan.
«Bıyl aýdan sharýalary negizinen aǵyn sýdan tapshylyq kórgen joq. «Dostyq» kanalynyń joǵarǵy jaǵynan keletin sýdyń kólemi azaıǵan kezeńderde, mashınalyq ádispen sý sorý nasostaryn arqyly qajetti aǵyn sý kólemin jetkizip otyrdyq. Qazaqstan Respýblıkasy aýyl sharýashylyǵy mınıstrliginiń tapsyrmasyna sáıkes, aldaǵy ýaqytta mashınalyq ádispen sý jetkizetin kanalynyń jaramsyz bolyp bara jatqan bóligin qalpyna keltirý jumysy júrgiziledi», - dedi bólim basshysy.
Veterınarııa bóliminiń basshysy Sherııazdan Seıtjanovtyń sózinshe, qazirgi tańǵa deıin, 22548 bas iri qara,73985 usaq mal tóldegen. Enzootııalyq aýrýlardyń aldyn alý boıynsha 53399 basiri qara mal búrkilip, 137883 bas usaq maldar toǵytylǵan. Aýdan boıynsha usaq jáne iri qara maldardy serologııalyq tekserýden ótkizý jumystary da josparly túrde júrgizilip keledi.