Jetisaılyq dıqandar qaýyn eksportyn bastady

TÚRKІSTAN. QazAqparat- Jetisaılyq dıqandar Reseıge qaýyn eksporttap jatyr, dep habarlaıdy QazAqparat tilshisi.

Jetisaıda qaýyn pisti. Qazir sharýalar ónimdi jınap, satýǵa shyǵaryp jatyr. Máselen, Talapty eldi mekenniń turǵyny Oljas Qosqara erte kóktemde 9 gektar jerdi ıgerip, qaýynnyń «Aeroport» dep atalatyn sortyn ekken bolatyn. Arada 65 kún ótkende sharýa óniminen jemis ala bastady.

«Bıyl alǵash ret qaýyn egip otyrmyn. Qaýyn kútimdi qajet etetin daqyl, der kezinde sýyn berip qajetti dárýmendermen qamtamasyz etip otyrmasań oıdaǵy ónim alý qıyn. Aǵyn sýdan eshqandaı tapshylyq bolǵan joq. Qazir 1 kelisin 830 teńgeden Reseıge jóneltip jatyrmyz»-deıdi, jas dıhan Oljas Qosqara.