Jetisaıdaǵy aıaq kıim tigetin tseh ónimin eksportqa shyǵarýǵa nıetti

JETІSAI. QazAqparat – Túrkistan oblysy Jetisaı aýdanyna jumys saparymen kelgen oblys ákiminiń orynbasary Meıirjan Myrzalıev birqatar kásipkerlik nysandardy aralady. Asyqata kentindegi maqta óńdeıtin tsehty ulǵaıtý jumystarymen tanysyp, aldaǵy ýaqytta tseh tolyq qýatta jumys isteýi úshin tıisti sharalardy qolǵa alý kerektigin aıtyp ótti, dep habarlaıdy QazAqparat tilshisi.

Atalǵan tseh qazirgi ýaqytta medıtsınalyq maqta,tigin tsehy, jáne gıgıenalyq zattar shyǵarýmen aınalysýda. Atalǵan tabıǵı taza ónimder jergilikti naryqta ımporttyq taýarlarǵa qaraǵanda birneshe ese arzan baǵada saýdalanýda.

Meıirjan Myrzalıev barǵan taǵy bir nysan - Qaraqaı aýyldyq okrýginde ornalasqan «Medet Sút» JShS boldy. Munda sút ónimderiniń irimshik, qaımaq, aıran, syr, túrleri óndirilip ishki naryqty tolyqtaı qamtýda.

Al, Jetisaı qalasyndaǵy JK «Ulyqbek» aıaq kıim tsehy qysqy etikter shyǵaryp, olardyń sapasyn arttyrýdy qolǵa alǵan. Oblys ákiminiń orynbasary aıaq kıimdi eksporttyq ónimder qataryna kirgizý úshin sapaǵa basty nazar aýdarý kerektigin aıtty. Munda shyǵarylyp jatqan bir aıaq kıimniń baǵasy 450 teńgeden ekenin estigen oblys basshynyń orynbasary deldaldar arqyly baǵasy kóterilip ketpeýin qadaǵalaýdy tapsyrdy.

«Taýar sapasyna kóńil bólip otyrsaq, aldaǵy ýaqytta budan úlken tsehqa aınalatynyna senimdimin. Aýdan basshylary kásipkerlerge kóbirek kóńil bólip, olarǵa qajetti kómekti der kezinde kórsetkeni jón», -dedi Meıirjan Myrzalıev.