Jetisaıda jyl basynan beri karantın talabyn saqtamaǵan 150-ge jýyq nysan anyqtaldy
Barlyq kásipkerler men jergilikti turǵyndarǵa qatysty is-qujattar aýdandyq sanıtarlyq-epıdemıologııalyq baqylaý basqarmasyna joldandy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, karantın talaptaryn buzý derekteri aýdandaǵy dámhana-barlar, meıramhanalar men toıhanalar jáne bılıard pen kompıýterlik oıynhalarda anyqtalǵan. ıAǵnı, osy oıyn-saýyq oryndary belgilengen ýaqytqa qaramaı, kelýshilerdi qabyldaǵan. Sonymen qatar ondaǵy qyzmetkerler betperdesiz júrgen. Máselen, Asyqata kentinde ornalasqan kompıýter klýbynda 10-nan astam adam bolǵan. Olardyń birazy betperde taqpaǵan. Jetisaı qalasyndaǵy meıramhanalar da belgilengen ýaqytta jabylmastan, ashyq turǵany anyqtalǵan. Reıd kezinde kezekti bılıard klýby men oıyn-saýyq oryndarynda karantın talaby saqtalmaǵan. Atalǵan quqyq buzýshylyqtar boıynsha ǵımaratty jalǵa alyp, adamdarǵa qyzmet kórsetkenderge qatysty is-qujattar zańdy sheshim qabyldaý úshin Jetisaı aýdandyq SEBB-ǵa joldandy.