Jetisaıda jyl basynan beri 5 mlrd teńgeniń aýyl sharýashylyǵy ónimi óndirilgen

JETІSAI. QazAqparat - Túrkistan oblysy, Jetisaı aýdanynda jyl basynan beri ónim kólemi 11 mlrd 421,5 mln teńgeni quraǵan. Al negizgi kapıtalǵa tartylǵan ınvestıtsııa kólemi 1 mlrd 177,2 mln teńgege jetken, dep habarlaıdy QazAqparat tilshisi.

Aýdan ákimi Murat Qadyrbektiń aıtýynsha, shaǵyn jáne orta kásipkerlik sýbektileriniń ónim kólemi 3,6 mlrd tenge bolǵan. Sondaı-aq, 5 mlrd 756,3 mln teńgeniń aýyl sharýashylyǵy ónimi óndirilgen. Infraqurylymmen qamtý boıynsha aýdandaǵy qala, kent jáne aýyldyq okrýgterge qarasty 113 eldi mekeniń 103-i ortalyqtandyrylǵyn aýyz sýmen qamtylǵan. Al gazdandyrý salasynda 113 eldi mekenniń 54-i gazben qamtylǵan. Bul aýdandaǵy eldimekenderdiń jalpy sanynyń - 47,7% quraıdy.

«Aýdandaǵy ishki kóshelerdiń jalpy uzyndyǵy 899,1 shaqyrym, onyń ishinde 661,1 shaqyrymy – asfalt, 227 shaqyrymy – shaǵal tas, 11 shaqyrymy – topyraq jol. 2021 jyly sýbventsııa jáne jergilikti bıýdjet esebinen bólingen 445 mln teńgege jalpy uzyndyǵy 25,7 shaqyrymdy quraıtyn 32 kóshege orta jóndeý jumystary júrgizilýde» ,- dedi aýdan ákimi.