Jetisaıda jedel járdem kóligi jetispeıdi

TÚRKІSTAN. QazAqparat – Túrkistan oblysynyń Jetisaı aýdanynda jedel járdem kóligi jetispeıdi. Bul týraly búgin aýdan ákiminiń orynbasary Serik Pirimbekov málimdedi, dep habarlaıdy QazAqparat tilshisi.

Búgingi tańda Jetisaı aýdanynda jedel járdem ortalyǵy jumys istep tur. Ortalyqtyń 20 arnaýly kóligi bar. Degenmen, 200 myńǵa jýyq adam turatyn óńir úshin jıyrma kólik jetkiliksiz bolyp otyr.

«Jedel járdem kóliginiń qajettigin aıtyp densaýlyq saqtaý basqarmasyna arnaıy usynysty berdik. Depýtattarymyz da saýal joldady.

Sondaı-aq, qazir jedel járdem shaqyrýshylardyń qońyraýy birinshi Túrkistanǵa túsedi. Sodan keıin aýdanǵa joldanady. Sol shaqyrtýdy birden aýdan ortalyǵyna túsetin etý kerek», - dedi Serik Pirimbekov.

Aıta keteıik, bıylǵy birinshi toqsanda Jetisaı aýdanynda 1 077 náreste dúnıege keldi.