Jetisaıda «Rámizder alleıasy» men 1200 oryndyq mektep paıdalanýǵa berildi

TÚRKІSTAN. QazAqparat - El Táýelsizdiginiń 30 jyldyǵyna oraı Jetisaı aýdanynda jańa nysandar el ıgiligine paıdalanýǵa berildi, dep habarlaıdy QazAqparat tilshisi.

«Táýelsizdikke tartý» sharasy aıasynda qoldanysqa berilgen alleıanyń saltanatty ashylý rásimine Jetisaı aýdanynyń ákimi Murat Qadyrbek men zııaly qaýym ókilderi, ustazdar men mektep oqýshylary qatysty.

Jańadan ashylǵan alleıada 14 metrlik tuǵyrǵa Memlekettik Tý ornatyldy. Sondaı-aq, Ánurannyń mátini tasqa jazylyp, Eltańba ornalastyrylǵan.

Taǵy bir aıta keter jaıt, zamanaýı úlgidegi 1 200 orynǵa shaqtalǵan mektep el ıgiligine paıdalanýǵa berildi.

Mekteptegi fızıka, hımııa, ınformatıka jáne mýltımedııalyq, lıngafondyq kabınetter sońǵy úlgidegi tehnologııalarmen jabdyqtalǵan. Sondaı-aq, zerthana kabınetteri men tigin sheberhanasy da bar. Jalpy oqýshylardyń sapaly bilim alýyna barlyq jaǵdaılar jasalǵan.