Jetisaıda medqyzmetkerden 2 mln teńge bopsalaǵan adam ustaldy
Jetisaı aýdandyq polıtsııa bólimine medıtsınalyq mekemelerdiń birinde jumys isteıtin jergilikti turǵyn aryzben júgingen. Jábirlenýshiniń aıtýynsha,
kúdikti kórsetilgen medıtsınalyq qyzmetke kóńili tolmaǵanyn alǵa tartyp, joǵary turǵan basshylyqqa aryz jazatynyn aıtqan. Tipti, jumystan shyǵartyp jiberetinin sóz etip, medıtsına mamanyn qorqytqan. Іsti jyly jabý úshin aqsha talap etken.
«Atalǵan jaıtty polıtseıler QR QK-niń 194-baby 1-bóli«bopsalaý» baby boıynsha tirkedi. Jedel-tergeý toby qurylyp, júrgizilgen jumystar nátıjesinde polıtseıler kúdiktini 1,5 mıllıon teńgege jýyq aqshany alǵan kezde qolǵa túsirdi»-delingen Túrkistan oblysy polıtsııa departamentiniń baspasóz qyzmeti taratqan aqparatta.
Qazirgi tańda kúdiktige qatysty bopsalaý jaıty boıynsha sotqa deıingi tergeý amaldary júrgizilýde.