Jetisaıda bir mekteptiń barlyq túlegi memlekettik grantqa ıe boldy

TÚRKІSTAN. QazAqparat- Túrkistan oblysy, Jetisaı aýdany B. Momyshuly mektebin bitirgen 63 túlek túgeldeı memlekettik grantqa ıe boldy, dep habarlaıdy QazAqparat tilshisi.

Jetisaı aýdany adamı áleýetti damytý bólimine qarasty B. Momyshuly mektep gımnazııasynyń oqýshylary bıylǵy 2021-2022 oqý jylyn sátti aıaqtady. Mektepti bitirýshi bes synyptyń 63 oqýshysy túgelimen memlekettik granttyń ıegeri atandy. Olardyń 30-y «Altyn belgige», 21-i «úzdik attestatqa» ıe boldy.

Aıta keteıik, mektep gımnazııanyń ortasha baly 105% quraǵan. Atalǵan bilim ordasynan sońǵy 7 jylda 299 altyn belgi, 125 qyzyl attestat ıegerleri shyqqan.