Jetisaı qalasy ákiminiń orynbasary sottaldy
13:38, 30 Sáýir 2020
NUR-SULTAN. QazAqparat - Jetisaı qalasy ákiminiń orynbasary sottaldy. Bul týraly onlaın brıfıng barysynda QR Sybaılas jemqorlyqqa qarsy is-qımyl agenttigi 1-shi departamenti basshysynyń orynbasary Danııar Aqýan aıtty, dep habarlaıdy QazAqparat tilshisi.
«2020 jylǵy 29 sáýirde Jetisaı aýdandyq sotynyń úkimimen Túrkistan oblysynyń Jetisaı qalasy ákiminiń orynbasary Q. Smaıylovqa memlekettik qyzmette laýazym atqarý quqyǵynan ómir boıy aıyrý jáne 7 mln teńge kóleminde aıyppul salý jazasy taǵaıyndaldy», - dedi ol.
Danııar Aqýanovtyń aıtýynsha, ol aldaý jáne senimge qııanat jasaý arqyly Jetisaı qalasynda shaǵyn jáne orta bıznesti damytý úshin jer telimin berýde 500 myń teńge somasynda aqsha qarajatyn urlaǵan.