Jetisaı aýdanynda jol jóndeýge 3 mlrd teńgege jýyq qarjy bólingen

JETІSAI. QazAqparat – Túrkistan oblysy Jetisaı aýdanynda jol jóndeý jumystary qarqyndy júrip jatyr. Bul týraly aýdan ákimdiginiń baspasóz bóliminde 8 aıda atqarylǵan jumystar jaıynda esep bergen jolaýshylar kóligi jáne avtomobıl joldary bóliminiń basshysy Nurken Álmesh málimdedi, dep habarlaıdy QazAqparat tilshisi.

Bólim basshysynyń sózinshe, bıyl aýdandaǵy joldardy orta jáne kúrdeli jóndeýden ótkizý úshin 3 mlrd teńgege jýyq qarjy bólingen. Qazirgi tańda bul qarajatqa 136 shaqyrym jol jóndelip jatyr.

«Aýdandaǵy zańsyz jolaýshy tasymalyna tosqaýyl qoıý, taksı turaqtaryn retteý, taksı kóliginiń jumysyn ońtaılandyrý boıynsha APB men birlesip 14 reıd ótkizilip, 62 avtokólikke ákimshilik hattama toltyrylǵan»,- deıdi bólim basshysy.

Nurken Álmeshtiń aıtýynsha, aýdan boıynsha 12 kóshe qıylysynda baǵdarshamdar ornalasqan. Olardy kútip ustaý úshin jergilikti bıýdjetten 5 mln teńge qarajat qaralǵan.Al, jol qaýipsizdigin qamtamasyz etý maqsatynda 2019 jyly jergilikti bıýdjetten bólingen 2 mln teńgege standartqa saı jasandy jol kedergileri men jol bergileri ornatylǵan.

Oǵan qosa, jergilikti bıýdjetten qosymsha 2 mln teńge bólinip, standartqa saı 109 jol belgilerin ornatý jumystary júrgizilýde.

«Jalpy aýdan boıynsha 17 kóshege aǵymdaǵy jol jóndeý jumystaryn júrgýzige bıýdjetten 5 mln teńge bólinip, qazirgi tańda jóndeý jumystary júrgizilip jatyr. Orta jóndeýden ótkizýge aýdandyq mańyzy bar 5 joldyń jáne 192 ishki kósheniń smetalyq qujattamalary jasalǵan. Jalpy quny - 2 mlrd 846 mln 344 myń teńge. Oǵan qosa, aýdan boıynsha uzyndyǵy 141 shaqyrymdy quraıtyn 291 topyraq kóshege aǵymdaǵy jóndeý (tas tóseý) jumystaryn júrgizý maqsatynda smetalyq qujattamasy jasalynyp, jobalyq quny 872 mln teńgeni quraǵan»,- dedi bólim basshysy.