Jetisaı aýdanynda jastarmen jumys isteıtin ákeler jáne analar uıymy qurylady
Konferentsııada baıandama jasaǵan aýdandyq bilim bóliminiń basshysy Tursynbaı Myrzalıev jańa oqý jyly qarsańyndaǵy jańashyldyqtardy atap ótti. Onyń sózinshe, jańa oqý jylynan bastap oqýshylarǵa «Kásipkerlik jáne bıznes negizderi», «Grafıka jáne jobalaý», «Bastapqy áskerı jáne tehnologııalyq daıyndyq» pánderi oqytyla bastaıdy. Al, jańa baǵdarlamaǵa sáıkes 9 synyptarǵa «Quqyq negizderi» páni engiziledi.
1-10 synyptarda elektrondy kúndelik júıesi jalǵasady, al 11 synyptar klassıkalyq jýrnalmen jumys isteıdi. Jańartylǵan bilim mazmunyna 4, 9, 10 synyptar ótedi.
«Bolashaqqa baǵdar: rýhanı jańǵyrý» baǵdarlamasyn iske asyrýda QR Bilim jáne ǵylym Mınıstrligi tárbıeniń kontseptýaldy negizderin bekitti. Otbasy qundylyqtaryn saqtaı otyryp, ata – analardyń jaýapkershiligin arttyrý, sondaı-aq ákeniń otbasyndaǵy, bala tárbıesindegi rólin kúsheıtip, úlgili otbasylaryna arnalǵan túrli is-sharalar uıymdastyrý qajettiligi týyndaýda. Óskeleń urpaqty jan-jaqty damyǵan tulǵa retinde qalyptastyrý, ulttyq qundylyqtar negizinde júzege asady», – dedi Tursynbaı Myrzalıev.
. Jıynda Túrkistan oblystyq adamı áleýetti damytý basqarmasynyń bas mamany Qaırat Arap bilim salasynyń qyzmetkerlerin jańa oqý jylymen quttyqtady. Al, jaryssózge shyqqan ustazdar bilim salasyndaǵy jetistiktermen qatar qordalanǵan máselelerdi tilge tıek eti, usynystaryn ortaǵa saldy. Konferentsııany qorytyndylaǵan aýdan ákimi Jamantaı Beısenbaev aldaǵy ýaqytta ustazdardy qosymsha jumysqa shyǵarmaý jaıy qatań qadaǵalanatyndyǵyn atap ótti. Sondaı-aq, pedagog qyzmetkerlerdiń aılyq jalaqysy ýaqytyly beriletinin, qarajat jaǵynan alańdaýǵa negiz joq ekenin jetkizdi.