Jetisaı aýdanynda Arbat pen shaǵyn áýejaı salynady
Bul týraly aýdan ákimdiginiń brıfıng zalynda 8 aıda atqarylǵan jumys boıynsha esep bergen aýdandyq jer qatynastary bóliminiń basshysy Amanbaı Jumabekov pen sáýlet jáne qala qurylysy bóliminiń basshysy Sansyzbaı Seıdalıev aıtyp berdi.
Jer qatynastary bólimi basshysynyń aıtýynsha, aýdandaǵy jeke jáne zańdy tulǵalardan 590 ótinish túsip, qaralǵan. Ótinishterdiń 533-i qanaǵattandyrylsa, 57 ótinish zańǵa sáıkes keri qaıtarylǵan. Odan bólek, bólim qyzmetkerleri aýdandyq sottyń 22 otyrysyna qatysyp, azamattardyń jer daýy týraly máseleleri talqylanǵan.
«2019 jyldyń 8 aıynda turǵyn úı kezegi boıynsha jer ýchaskesin surap, ótinish bildirgen 98 azamat kezekke qoıyldy. 2006 jyldan bastap Jetisaı qalasynda – 2114, Asyqata kentinde – 213, Qazybek bıde - 63, Abaıda – 40, Jańa aýylda –381, Qaraqaıda - 400, Jyly sýda - 8 tulǵa kezekke qoıylǵan. Aýyl sharýashylyǵy maqsatyndaǵy paıdalanylmaı jatqan 38,57 gektardy quraıtyn 4 tulǵanyń egistik jeri anyqtalǵan (onyń ishinde sýarmaly - 38,57 gektar), aýyl sharýashylyq maqsatyndaǵy paıdalanylmaı jatqan 133 gektarlyq (onyń ishinde 133 gektar - sýarmaly egistik) 45 jer ýchaskesi anyqtaldy. Sonymen qatar, kólemi 50,3 gektar kásipkerlik maqsatyndaǵy 141 jer ýchaskesi qur jatyr»,- dedi Amanbaı Jumabekov.
Al, aýdandyq sáýlet jáne qala qurylysy bóliminiń basshysy Sansyzbaı Seıdalıevtiń sózinshe osy ýaqytqa deıin bólimge joǵary organdar men jergilikti mekemelerden jalpy sany 500-ge jýyq hat kelip túsken. Bul hattar boıynsha ýaqtyly jumys júrgizilgen.
«Aýdan boıynsha jeke turǵyn úı qurylysyn jáne qosalqy sharýashylyǵyn júrgizý úshin 2019 jyldyń 8 aıynda 153 jer telimi bólinip berilgen. 2019 jyldyń 8 aıynda 105 jeke turǵyn úı kabyldanyp, jalpy aýdany 16015,8 sharshy metr bólim tarapynan esepke alyndy. Aýdandyq statıstıka basqarmasyna tapsyryldy»,- deıdi Sansyzbaı Seıdalıev.
Odan bólek, qalanyń kelbetin ózgertý boıynsha birneshe joba qolǵa alynyp, Jetisaı aýdanyn abattandyrý, kógaldandyrý jáne jaılastyrý boıynsha aýdandyq sáýlet bólimi tarapynan tıisti jumys júrgizilýde.
«Aýdannan oblys ortalyǵy alshaqta bolýyna baılanysty jáne ınvestıtsııa tartý maqsatynda aýdan aýmaǵynan kishi avııatsııa ushyp-qonatyn áýejaı qurylysyn júrgizý úshin jer telimi belgilenip, anyqtaý, zertteý jumystary júrip jatyr. Qosymsha aıta ketetin taǵy bir nárse, Jetisaı qalasynda ornalasqan S.Qojanov kóshesin abattandyrý boıynsha ortalyq alańnan S.Erýbaev kóshesine deıingi aralyqqa eskız joba daıyndalyp, jergilikti bıýdjetten 100 mln teńge qarjy qaraldy. Búginde konkýrs jarııalanǵan. Qurylys jumystaryn 2019 jyly júrgizý josparlanyp otyr»,- deıdi bólim basshysy.