Jetisaı aýdanynda 32 mádenı nysan halyqqa qyzmet kórsetip otyr
Bólim basshysynyń málimetine súıensek, mádenıet jáne tilderdi damytý bólimine qarasty mekemelerdiń materıaldyq-tehnıkalyq bazasyn nyǵaıtýǵa bólingen qarajattyń 9 mln 200 myń teńgesi «Jetisaı mádenıet úıine» mýzykalyq apparatýra men sahnalyq kıimder alýǵa, merzimdi basylymǵa jazylýǵa jumsalǵan. Al 2 mln teńge «Aýdandyq ortalyq kitaphalar júıesine» jáne «Kovorkıng ortalyǵyn» ashý men merzimdi basylymdarǵa jazylýǵa jumsalǵan. Jetisaı aýdandyq mádenıet úıinde» jáne oǵan qarasty aýyldyq mádenıet oshaqtarynda jyl basynan beri jumys istep kele jatqan 62 úıirmege 855 adam qatysqan. Al, ártúrli deńgeıde uıymdastyrylyp ótkizilgen 293 mádenı is-sharany 18 884 kórermen tamashalaǵan.
«Aýdandyq ortalyqtandyrylǵan kitaphanalar júıesine qarasty kitaphanalarda búgingi tańda 325 157 dana kitap bolsa, onyń 168 977-si - qazaq tilindegi ádebıetter. Bıylǵa kitap qoryn tolyqtyrýǵa 520 myń teńge bólinip, kitaphana sóreleri 2358 ádebı kitappen tolyqqan. Bólim tarapynan til oqytý sharalary da qarqyndy júrgizilýde. Atap aıtar bolsaq, jyl basynan beri 55 úırenýshi - qazaq tilin, 54 shákirt - orys tilin, al, 72 úırenýshi - aǵylshyn tilin oqyǵan. Búginde Jetisaı aýdany ákimdiginiń mádenıet jáne tilderdi damytý bólimine qarasty 32 nysanda 159 qyzmetker turaqty túrde sapaly qyzmet kórsetip keledi»,- deıdi Aıtbaı Tilesov.