Jetimdik pen balalar múgedektigi úlken qoldaýǵa muqtaj - G. Iqsanova

ASTANA. QazAqparat - Qoǵamnyń áleýmettik jaýapkershiligi birinshi kezekte óskeleń urpaqqa qatysty bolýy kerek. Bul týraly búgin «QR Konstıtýtsııasy 20 jyl balalardyń quqyǵy men densaýlyǵyn qorǵaýda» atty respýblıkalyq konferentsııada Parlament Májilisiniń Áleýmettik-mádenı damý komıtetiniń tóraıymy Gúlnar Iqsanova málim etti.

«Ómirde qıyn jaǵdaıǵa tap bolǵan barlyq balalar memleket tarapynan úlken qoldaýǵa muqtaj. Olardyń bilim alýyna jáne ózge de qajettilikterine barynsha qolaıly múmkindikter jasalýy kerek»,-dep toqtaldy ol.

G. Iqsanovanyń aıtýynsha, jetimdik, balalardyń múgedektigi qoǵamnyń problemasy ǵana emes, sonymen qatar qoǵamnyń adamgershilik turǵydaǵy tıimdiliginiń ólshemi bolyp tabylady. Sondyqtan da osy problemalardy sheshý úshin memleket tarapynan eleýli kúsh-jiger jumsalýda.

Aıta keteıik, konferentsııa aıasynda jańadan qurylǵan «Asyl bala» qaýymdastyǵynyń quryltaıshylyq keńesi ótti. Atalǵan qaýymdastyq balalar quqyǵy men múddesi salasynda jumys isteıtin Qazaqstannyń qoǵamdyq birlestikteri men úkimettik emes uıymdaryn biriktirdi.