Jetim balalardyń quqyn qorǵaý salasyndaǵy asa ózekti máseleniń biri - baspanamen qamtý
Bul týraly búgin «Balalar úıiniń túlekteri úshin ilki qyzmetter» atty baspasóz máslıhaty barysynda Bilim jáne ǵylym mınıstrligi Balalar quqyqtaryn qorǵaý komıteti Qamqorlyq jáne halyqaralyq bala asyrap alý basqarmasynyń bastyǵy Serik Tasbolatov málim etti.
«Búgingi tańda respýblıkamyzda ata-ana qamqorlyǵynsyz qalǵan jetim balalar sany 36 myń 777-ni quraıdy. Olardyń 22 myńǵa jýyǵy qazaqstandyq azamattardyń otbasylarynda qamqorshylyq pen qorǵanshylyqqa alynǵan, al 2 myńǵa jýyǵy tárbıelik patronatta bolsa, 13 myńǵa jýyǵy jetim balalarǵa arnalǵan ınternattyq uıymdarda tárbıelenýde. Bularda bilim, eńbek jáne áleýmettik qorǵaý, densaýlyq saqtaý júıeleri boıynsha tárbıe júredi», - deıdi S.Tasbolatov. Onyń aıtýynsha, osy sanattaǵy balalardyń 84 paıyzǵa jýyǵynyń ata-analary tiri, ıaǵnı tastandy balalar.
S.Tasbolatovtyń sózine qaraǵanda, sońǵy 5 jyl ishinde balalar úıinen shyqqan 12 myń túlektiń tek 500-i ǵana baspanamen qamtylǵan.