Jeti jasar qazaq balasy Norvegııada antııadrolyq velosherýge qatysty
«Álemde soǵys bolmasa dep tileımin. Ár eldiń balalary bir-birimen erkin oınaı alatyn beıbit álemde ómir súrgim keledi» dedi balaqaı sherýge attanar aldynda.
Saltanatty start Brýmýndal qalasynda, aǵashtan jasalǵan álemdegi eń úlken nysan, bıiktigi 85 metrden asatyn ǵımarattyń janynda bastaldy. Sharaǵa Qazaqstannyń Norvegııadaǵy elshisi Erkin Aqynjanov, kommýna meri Rıngsaker Anıta Ile Stın, «Bike for Peace» qozǵalysynyń negizin salǵan Tore Nerland, úkimettik emes uıym ókilderi, antııadrolyq qozǵalys belsendileri men ekologtar qatysty.
Qazaqstan elshisi sóz sóılep, elimizdiń syrtqy saıası bastamalary jaıly áńgimeledi. Onyń ishinde ásirese antııadrolyq máselelerge qatysty sheshimderine kóbirek toqtaldy.
«Qazaqstan táýelsizdik alǵan kezde ıadrolyq áleýeti boıynsha álemdegi tórtinshi el bolatyn. Bul memleket ózine tıesili búkil ıadrolyq qarýdyń kózin joıdy. Bul - basqa ıadrolyq elder úshin kórnekti úlgi» dep atap ótti «Bike for Peace» qozǵalysynyń jetekshisi Tore Nerland.
Ol Qazaqstanǵa, onyń ishinde Semeıge jasaǵan saparyn jylylyqpen eske aldy.
Velosherý bastalǵannan keıin qatysýshylar Hamar qalasyn betke aldy. Olar sol qaladaǵy merııa ǵımaratynyń aldyna kelip toqtady.
Velojarysqa qatysýshylardy qala meri Eınar Býsterýd qarsy aldy. Qysqa úzilisten keıin jarysqa qatysýshylar Hamardan Shtange shaharyna attandy. Onda olardy mer Nıls Rene kútip aldy.
Velojarysqa qatysý aıasynda Qazaqstan elshisi Brýmýndal, Hamar jáne Shtange qalalarynyń ákimderimen birqatar ekijaqty kezdesý ótkizdi. Onyń barysynda elshi olardy Qazaqstan Prezıdenti Q.Toqaevtyń jýyrda jarııalaǵan «Jańa jaǵdaıdaǵy Qazaqstan: Іs-qımyl kezeńi» Joldaýynyń negizgi baǵyttarymen tanystyrdy, koronavırýsqa qarsy is-qımyl boıynsha bizdiń el qabyldaǵan sharalarǵa toqtalyp, aýyl sharýashylyǵy, «jasyl» ekonomıka, jańartylǵan energııa kózderi sııaqty salalardaǵy ózara is-qımyldyń tıimdi baǵyttaryn talqylady.