Jeti qazaqstandyq boksshy «Ulttar kýbogi» týrnıriniń jartylaı fınalyna shyqty

NUR-SULTAN. QazAqparat - Bokstan Qazaqstan áıelder quramasynyń jeti sportshysy «Ulttar kýbogi» halyqaralyq jarysynyń jartylaı fınalyna joldama aldy, dep habarlaıdy Olympic.kz.

Bul týraly Qazaqstan boks federatsııasynyń baspasóz qyzmeti málimdedi. Jarystyń shırek fınalynda qazaqstandyq boksshy Vladıslava Kýhta Túrkııa sportshysyn jeńip, jartylaı fınalǵa shyqty.

Ókinishke qaraı, ulttyq qurama músheleri Jansaıa Baltabekova men Marına Volnova qarsylastaryna ese jiberdi. Sonymen qatar, osyǵan deıin Rımma Volosenko, Valentına Halzova, Gúlsaıa Erjan, Lázzat Kúngeıbaeva, Dına Jolaman men Araılym Marat jartylaı fınalǵa shyqqan bolatyn.