Jeti aıda óndiristegi jazataıym oqıǵalardyń saldarynan 817 qyzmetker zardap shekti

NUR-SULTAN. QazAqparat - Qazaqstanda óndiristegi jazataıym oqıǵalardan bolatyn ólim-jitim 17,7% - ǵa tómendedi, dep habarlaıdy QazAqparat Eńbek jáne halyqty áleýmettik qorǵaý mınıstrligine silteme jasap.

Vedomstvoǵa qarasty Eńbek, áleýmettik qorǵaý jáne kóshi-qon komıtetiniń derekteri boıynsha, bıylǵy jyldyń jeti aıynda óndiristegi jazataıym oqıǵalardyń saldarynan 817 qyzmetker zardap shekti, onyń 93-i qaıtys boldy.

Osylaısha, óndiristik jaraqattaný deńgeıi 2020 jyldyń uqsas kezeńimen salystyrǵanda 2,4% - ǵa ósti (ótken jyldyń 7 aıynda 798 adam zardap shekti). Bul rette óndiristik jaraqattanýdan qaza tabý jaǵdaılary 17,7% - ǵa tómendedi (2020 jyly osy kezeńde óndiriste 113 adam qaza tapty).

Óndiristik jaraqattanýdyń joǵary deńgeıi burynǵydaı Qaraǵandy (160 adam zardap shekti), Shyǵys Qazaqstan (97 adam), Aqtóbe (62 adam), Pavlodar (61 adam), Qostanaı (65 adam), Túrkistan (44 adam) oblystarynda jáne Almaty qalasynda (47 adam).

Ekonomıka salalary boıynsha zardap shekkenderdiń eń kóp sany taý-ken-metallýrgııa kesheniniń kásiporyndarynda – 134 adam (19,4%) jáne qurylys salasynda – 80 adam (11,6%) baıqalady.