«Jeti atasyn bilmegen – jetimdiktiń belgisi». Jeti atasyn uǵyndyrý

<p>ASTANA. KAZINFORM &ndash; Mádenıet jáne ulttyq salt-dástúr kúnine oraı Kazinform agenttigi nazarlaryńyzǵa ultymyzdyń tal besikten jer besikke deıingi ǵumyryndaǵy mańyzdy salt-dástúrlerin usynady.</p>

Jeti atasyn uǵyndyrý

Qazaq salty boıynsha, ərbir otbasy óz perzentterine jastaıynan jeti atasyn uǵyndyrýy shart. Olaı bolatyny, qazaq balalarynyń oń-solyn tanyǵanǵa deıin jeti atacyn bilmeýi úlken aıyp sanalady.

«Jeti atasyn bilmegen – jetimdiktiń belgisi» dep, ata-anasy tiri turyp, ata tegin bilmeýdi əbestik dep biledi. «Jeti atasyn bilgen ul – jeti jurttyń qamyn jer» dep, jeti atasyn bilýdi óte joǵary baǵalaıdy. Olaı bolatyny, qazaq halqy jeti ataǵa deıingi barlyq adamdy óziniń et jaqyn týysy esepteıtindikten, jeti atacyn qanyq bilgen jas urpaq kimniń jaqyn, kimniń alys ekeninen erterek habardar bolady da, qyz alyp, qyz berý, qyz aıttyryp, jar tańdaý isteri men toı-tomalaq, ólim-jitim uzatý sııaqty buqaralyq qımyldar da uıatty isterden aýlaq bolady.

Týystar arasyndaǵy súıispenshilikterin arttyryp, el-jurty men týys-týǵandarynyń qamyn jep, muńyn muńdap, joǵyn joqtaıtyn halyqshyl azamat bolyp jetilýge daǵdylandyrady. Sondyqtan da ər otbasy urpaqtaryna kem degende əkesiniń, atasynyń, arǵy atasynyń, babasynyń, túp atasynyń, tekatasynyń attaryn jattatqyzyp, týystyq qarym-qatynas joldaryn urpaqtaryna tolyq úıretýdi bas tartpas paryzy sanaǵan.

Materıal Aıyp Núsipoqasulynyń «Tal besikten jer besikke deıin» atty kinabyna negizdelip daıyndaldy.