Jerorta teńizinde jyl basynan beri 400 myńnana astam mıgrant qaza tapty

RIM. QazAqparat – Osy jyldyń alǵashqy úsh aıynda Jerorta teńiziniń ortalyq bóliginde 440-tan astam mıgrant qaıtys boldy. Bul – halyqaralyq kóshi-qon uıymy keltirgen derek, dep habarlaıdy QazAqparat Euronews-ke silteme jasap.

Sarapshylar Eýropaǵa Jerorta teńiziniń ortalyǵymen ótetin joldy álemdegi eń qaýipti baǵyt dep ataıdy. 2014 jyldan beri osy jolda 20 myńnan astam adam ólimi tirkeldi. Uıym bılikti izdeý-qutqarý jumystaryna kóbirek kúsh salýǵa shaqyrady. Baıandalǵanyndaı, batyp bara jatqan kemeniń dabylyna jaýap berilmegen jaǵdaılar bolǵan.

«Adamdar Jerorta teńiziniń aıdynynda ólip jatyr. Kómek suraǵandardyń kóbi eleýsiz qalady. Memleketter teńizdegi adamdardyń ómirin saqtap qalý úshin izdestirý-qutqarý jumystaryn kúsheıtip, qoldaý kórsetýi kerek», - delingen HKU málimdemesinde.

Buǵan deıin habarlanǵanyndaı, Italııaǵa Jerorta teńizi arqyly zańsyz mıgranttardyń jańa legi aǵyla bastady.

Osy oraıda, Italııa úkimeti tótenshe jaǵdaı rejımin jarııalady.

Sondaı-aq, Italııanyń Kýtro qalasynda myńdaǵan adam sherýge shyǵyp, keme apatynan qaıtys bolǵan 75 mıgrantty eske alǵan edi.