Jergilikti joldardyń 80 paıyzynyń sapasy normatıvke saı - mınıstrlik
Bul týraly mınıstrliktiń baspasóz qyzmeti aqparat taratty.
Resmı málimet boıynsha, 2021 jyly jalpy quny 300,2 mıllıard teńge bolatyn 349 joba iske asyrylǵan. Osy qarajat aıasnyda 1000 turaqty, 7000 ýaqytsha jumys orny ashylǵan.
«Respýblıka boıynsha 2,6 myń shaqyrym avtojol paıdalanýǵa berildi. Atap aıtqanda, jergilikti joldardyń 19 shaqyrymy salyndy, 152 shaqyrymy qaıta jańartyldy, 220 shaqyrymy kúrdeli jóndeýden ótti, 2,2 myń shaqyrym jolǵa ortasha jóndeý júrgizildi.
Aýdan ortalyqtaryn oblystarmen baılanystyratyn joldar da jóndelýde», - delingen mınıstrliktiń málimetinde.
Vedomstvo iske asyrylǵan iri jobalardyń qataryna Shyǵys Qazaqstan oblysy Kúrshim aýdanyndaǵy Buqtyrma sý qoımasy arqyly ótetin kópir ótkeliniń qurylysyn ataǵan. Uzyndyǵy bir shaqyrymnan asatyn kópir qurylysy endi ǵana bastalǵanyn aıta ketý kerek.
Sondaı-aq, Aqtaý qalasynyń kýrorttyq aımaǵynda joldar salý jáne rekonstrýktsııalaý, Atyraý oblysyndaǵy «Inder-Mııaly», Aqtóbe oblysyndaǵy «Aqtóbe qalasynyń ońtústik aınalma joly», Almaty oblysyndaǵy «Almaty-Lepsi» jobalary da súıekti jobalar retinde atalǵan..
«Sondaı-aq respýblıkalyq mańyzy bar qalalarda kósheler damytylyp jatyr.
Jyl qorytyndysynda jergilikti joldardyń normatıvti jaǵdaıdaǵy úlesi 80%-ǵa jetkizildi. Byltyr bul kórsetkish 75% edi», -dep jazady vedomstvonyń baspasóz qyzmeti.
Mınıstrlikti mamandarynyń sózine qaraǵanda, jyl saıyn jergilikti joldar jelisin damytýǵa bólinetin transfertterdiń 50 paıyzy respýblıkalyq bıýdjetten, qalǵany jergilikti bıýdjetten bólinedi.
«Jalpy elimiz boıynsha jergilikti joldardyń uzyndyǵy 71 myń shaqyrymnan asady. «Qýatty óńirler – el damýynyń draıveri» ulttyq jobasyna sáıkes 2020-2025 jyldary oblystyq jáne aýdandyq mańyzy bar 27 myń shaqyrym joldy qurylys jumystarymen qamtý kózdelip otyr», - dep jazylǵan resmı aqpatta.