Jergilikti joldardy jóndeýge 259 mlrd teńge jumsalady
«Avtomobıl joldary salasynyń aldynda turǵan basym mindetterdiń biri – qazaqstandyqtardyń óz úıine sapaly jolmen jetýin qamtamasyz etý. Jergilikti joldardyń jalpy uzyndyǵy 70,9 myń shaqyrymdy quraıdy. 2020 jyly jergilikti joldardy jóndeýge 259 mlrd teńge qarastyrylǵan. Onyń 4,1 mlrd teńgesi oblystyq jáne aýdandyq mańyzy bar joldardy jóndeý, 52,9 mlrd teńgesi respýblıkalyq mańyzy bar qalalardyń kóshelerin jóndeý, Nur-Sultan jáne Almaty qalalaryndaǵy jer telimderin satyp alý maqsattaryna jumsalmaq», - dedi Saıranbek Barmaqov.
Onyń atap ótýinshe, jyl sońyna deıin avtomobıl joldarynyń 4 myń shaqyrymyn jóndeý jumystarymen qamtý josparlanǵan. Bul rette el óńirlerinde 350 joba iske asyrylyp, jóndeý jumystaryna 30,5 myń adam jumyldyrylady. Sondaı-aq, jaqsy jáne qanaǵattandyrarlyq jaǵdaıdaǵy jergilikti joldardyń úlesi 75 paıyzǵa jetkiziledi.
«Jóndeý jumystary osyndaı qarqynmen júrgizilse, 2025 jylǵa qaraı jergilikti avtomobıl joldary jelisiniń 27 myńnan astam shaqyrymy jóndeletin bolady. Bul óz kezeginde jaqsy jáne qanaǵattandyrarlyq jaǵdaıdaǵy oblystyq jáne aýdandyq mańyzy bar joldardyń úlesin 95 paıyzǵa deıin jetkizýge múmkindik beredi», - dedi komıtet tóraǵasy.