Jergilikti organdar apatty mektepter týraly málimetti bizden jasyrady - Aımaǵambetov
«Bilim sapasyna áser etetin mańyzdy faktorlardyń biri - pedagog kadrlarmen qamtamasyz etý. Bilim berý uıymdarynda 5 267 pán muǵalimi jetispeıdi. Osy máseleni biz bıyl qaıta bir qarap, sheshýimiz qajet. Ol úshin tıisti qarajat ta, múmkindik te jetkilikti», - dedi mınıstr.
Sonymen qatar ol úsh aýysymdy jáne apatty mektepterge qatysty máselege toqtalyp ótti.
«Bul másele boıynsha ótken jyly mınıstrlik monıtorıng júrgizdi. 204 mektepti ǵana tańdap aldyq. Sol 204 mektepke baryp, tıisti zertteý júrgizdik. Olardyń ishinde 2 aýysym normatıvinen asyp ketken qosymsha 83 mektep jáne apatty jaǵdaıdaǵy 37 mektepti anyqtadyq. Bul tek 204 mektepti qarap shyqqannyń ózinde ǵana. Sondaǵy eń basty másele - búgingi kúni jergilikti atqarýshy organdar, bilim basqarmalary, bilim bólimderi statıstıkany, málimetti durys berip otyrǵan joq. Ol statıstıkany jasyrǵannan keıin bul máseleni sheshpeımiz. Árıne, bul máseleni sheshýimiz kerek. Qazirgi ýaqytta memlekettik baǵdarlamada 800 mektep salýǵa qarjy bólindi», - dedi Ashat Aımaǵambetov.