Jergilikti halyqty jaıylymmen qamtamasyz etý máselesin sheshý qajet – Premer-Mınıstr
«Prezıdent 2022-shi jylǵy 1 mamyrǵa deıin aýyl sharýashylyǵy maqsatyndaǵy jer ýchaskeleriniń shekti kólemin bekitý mindetin belgiledi. Tapsyrmany iske asyrý óńirlik erekshelikterdi eskere otyryp, ǵylymı negizdelgen tásildi talap etedi. Aýyl sharýashylyǵy mınıstrligi osy jylǵy 1-shi sáýirge deıin aýyl sharýashylyǵy maqsatyndaǵy jer ýchaskeleriniń shekti kólemin bekitý boıynsha negizgi tásilderdi usynsyn», - dedi ol.
Álıhan Smaıylov Prezıdent aýyl halqyn jaıylymdyq jerlermen qamtamasyz etý máselesin kótergenin atap ótti.
«Úkimet ákimdermen birlesip, tıisti jumys tobyn qurdy. Qabyldanǵan sharalardyń nátıjesinde eldi mekenderdegi jaıylymdyq jerlerdiń tapshylyǵy azaıdy. Bul jumysty Bas prokýratýranyń derekterin eskere otyryp ári qaraı jalǵastyrý kerek jáne osy jyldyń sońyna deıin jergilikti halyqty jaıylymmen qamtamasyz etý máselesin sheshý qajet», - dedi Premer-Mınıstr.
Sonymen qatar ol Memleket basshysy jańa Sý kodeksin qabyldaý mindetin qoıǵanyn atap ótti.
«Ekologııa mınıstrligine eldiń sý qoryn saqtaýdy qamtamasyz etetin memlekettik sý saıasatyn iske asyrý boıynsha negizgi tásilderdi bir apta ishinde Úkimetke engizýdi tapsyramyn»,- dedi Álıhan Smaıylov.