Jergilikti atqarýshy organdar tarapynan qala qurylysy salasynda tıisti baqylaý joq – Bas prokýratýra

ASTANA. QazAqparat – Jergilikti atqarýshy organdar tarapynan qala qurylysy salasynda tıisti baqylaý joq. Bul týraly Senat depýtattarynyń saýalyna Bas prokýror Berik Asylovtyń jaýabynda aıtylǵan, dep habarlaıdy QazAqparat tilshisi.

«Ótken jyly prokýratýra organdary astananyń, respýblıkalyq mańyzy bar qalalardyń jəne oblys ortalyqtarynyń núktelik qurylysy boıynsha tekserýler uıymdastyrdy. Prokýrorlyq tekserýler jergilikti atqarýshy jəne baqylaýshy organdar tarapynan qala qurylysy salasynda tıisti baqylaýdyń joqtyǵyn kórsetti. Onyń saldarynan jer men qurylysqa ruqsattar azamattardyń pikirin, ınjenerlik, kóliktik jəne əleýmettik ınfraqurylym múmkindikterin eskermeı beriledi. Ákimdik pen qurylys kompanııalarynyń aıla-sharǵysy qalalardyń júıesiz salynýyna, qalalyq ortanyń, jasyl aımaqtardyń tozýyna, halyqtyń ómir súrý sapasynyń nasharlaýyna alyp keledi», - dep atap ótedi Bas prokýror jaýabynda.