Jergilikti áskerı basqarý organdary tekseriledi
Otyrys barysynda 2019 jyl boıynsha qyzmet qorytyndy jasalyp, Uıymdastyrý-jumyldyrý jumystary departamentiniń laýazymdy tulǵalary tyńdalyp, sonymen qatar, QR Sybaılas jemqorlyqqa qarsy agenttiginiń Armııa ortalyq sport klýby laýazymdy tulǵalaryna usynymy qaraldy.
Qorǵanys mınıstriniń orynbasary Baýyrjan Tortaev basshylyq etken komıssııa jemqorlyqqa qarsy standarttardy saqtamaı jáne tártiptik jaza jasaýǵa barǵan QR QM AOSK ofıtseriniń laýazymǵa sáıkestigi jóninde usynystar berdi. Odan bólek, komıssııa jergilikti basqarý organdarynyń qyzmetiniń jemqorlyqqa barýǵa táýekeldigin taldaý, kadrlardy taǵaıyndaý men laýazymǵa qoıýdy monıtorıngteý, Almaty qalasy Qorǵanys ister jónindegi departamentiniń qyzmetin tekserip, atalǵan departamenttiń bólimshe serjantyn Qarýly Kúshter qatarynan shyǵarý týraly sheshim qabyldady.
Búgingi tańda jemqorlyqqa qarsy árekette aldyn-alý sharalary mańyzdy ról atqarady. Qazaqstan Qarýly Kúshterinde 8230 profılaktıkalyq sharalar ótti. Qabyldanǵan sharalardyń nátıjesinde 2019 jyly jemqorlyqqa qatysty qylmystyń sany ótken jylmen salystyrǵanda 76% tómendegen.
Aǵymdaǵy jyly jemqorlyqqa qarsy áreket jaıyndaǵy zańnamany oryndaýdy baqylaý boıynsha Qorǵanys mınıstrligi komıssııasy 6 otyrys ótkizip, nátıjesinde áskerge shaqyrý, memlekettik qyzmet kórsetý men memlekettik satyp alý, áskerı basqarý organdarynyń qyzmeti salasynda 25 usynylymdar engizildi.
Qorǵanys mınıstrliginiń kóshpeli toby Semeı, Almaty, Taraz, Qaraǵandy jáne Atyraý garnızondarynda sybaılas jemqorlyqqa qarsy zańnamanyń talaptaryn jetkizdi. Tájirıbe almasý sheńberinde QR QK jáne RF áskerı polıtsııa organdarynyń laýazymdy tulǵalarymen kezdesýler ótkizildi. Áskerı joǵary oqý oryndary men Kadet korpýsyn oqytý baǵdarlamasyna jańa tártip engizildi, ol áskerı quqyq jáne sybaılas jemqorlyqqa qarsy mádenıet negizderi.