Jerge túkirgen Erlan Saırov aıyppuldy jeńildikpen tóledi

ASTANA. QazAqparat – Tikeleı efırde jerge túkirgen Májilis depýtaty Erlan Saırov ózine salynǵan aıyppuldy tóledi. Bul týraly depýtat Facebook-paraqshasynda jazdy, dep habarlaıdy QazAqparat.

«Qurmetti dostar! Biz quqyqtyq memlekette ómir súremiz. Árbir azamat óziniń istegeni úshin jaýap berýi qajet. Men keshegi»Habar«arnasyndaǵy»túkirik«úshin aıyppul tóledim. Zań aldynda barlyq azamat teń bolýy kerek. Bul – aksıoma! Sonda ǵana ádiletti qoǵam quramyz», - dep jazǵan Erlan Saırov tólengen aıyppul túbirteginiń skrınin qosa usyndy.

Depýtat 15 315 teńge kólemindegi aıyppuldy jeńildikpen tólegen, ol 7 657 teńge 50 tıyndy quraıdy.

Májilismen basqa da azamattar zań aldynda óz jaýapkershiligin sezinýi qajet ekenin atap ótti.

«Ásirese, halyqtyń ıgiligin jymqyryp qoıǵan olıgarhtar men alpaýyttar. Olardyń jaýapkershiligin biz kózderine «shuqshıtyp» kórsetýimiz qajet. Árbir adam ózgeristi ózinen bastaýy tıis. Árqaısymyz ózgersek, memleketti ózgertemiz. Meni qoldanǵan azamattarǵa kóp rahmet. Meni synǵa alǵan azamattarǵa da rızashylyǵymdy bildiremin. Biz Birgemiz!», - deıdi E. Saırov.

Aıta keteıik, Májilis depýtaty telearnanyń tikeleı efırine qosylyp, Ekibastuz qalasyndaǵy apatqa qatysty jaǵdaıdy jetkizý kezinde jerge túkirip jibergen.

Polıtsııa departamenti vıdeony zerttep, jalpy paıdalaný oryndaryn lastaý faktisi boıynsha QR Ákimshilik quqyqbuzýshylyq kodeksiniń 434-2-baby 1-bóligi boıynsha ákimshilik is qozǵady jáne depýtatqa 5 AEK (1 AEK – 3063 teńge) mólsherinde aıyppul saldy.

Foto: t.me/POLICE_of_KZ