Jerge Chelıabınsk asteroıdynyń «syńary» jaqyndap keledi
04:22, 04 Aqpan 2016
ASTANA. QazAqparat - Jerge jaqyndap kele jatqan quıryqty juldyzdyń ǵylymı ataýy - 2013 TX68. Bul aspan denesin zerttegen astronomdar onyń 2013 jyly Chelıabınsk qalasynyń ústindegi aýa qabatynda janyp ketken asteroıdqa óte uqsas ekendigin aıtýda.
Amerıkalyq ǵarysh agenttiginiń habarlaýynsha, bul asteroıd besinshi naýryzda Jerden 17 myń shaqyrym qashyqtyqta ushyp ótedi. Mamandar málimetinshe, onyń dıametri shamamen 30 shaqyrymdy quraıdy.
Al bul asteroıdtyń Jermen soqtyǵysý yqtımaldyǵy óte az. Sondaı-aq osy aspan denesi keleshekte 2046 jáne 2097 jyldary Jerge jaqyn ushyp ótedi eken, dep habarlaıdy planet-today.ru-ǵa siltememen 24.kz.