Jerdiń atadan balaǵa mura bolýyn qamtamasyz etý kerek – Jıgýlı Daırabaev
«QR Prezıdenti Qasym-Jomart Toqaevtyń 2021 jyldyń 25 aqpanynda bes jylǵa sozylǵan jer daýyna núkte qoıǵanyn tarıhı jetistik dep aıtar edim. Sebebi, jer jekemenshikte bolýy kerek degen naryqtyq ekonomıkanyń qıturqy sharttaryna baǵynbaıtyn, jerdi satýdy anany satýmen teń kóretin arly el ekenimizdi dáleldeı bildik. Prezıdentimizge osyndaı batyl sheshim qabyldaǵany úshin alǵysymyzdy bildiremiz. Endigi kezekte jer reformalarynan týyndaıtyn ózgerister men tolyqtyrýlardyń tek qana halyq múddesine baǵyttalýyn qamtamasyz etýimiz qajet», - dedi J. Daırabaev Jer reformasy jónindegi komıssııanyń birinshi otyrysynda.
Ol úshin spıker komıssııa jumysynyń kún tártibine bes máseleni engizýdi surady.
«Birinshi, jerdiń Qazaqstan azamattary úshin 49 jylǵa jalǵa berilýin shegerý qajet. Onymen qosa, jalǵa alý quqyǵyn saqtaı otyryp, jerdiń atadan balaǵa mura bolyp qalýyn qamtamasyz etken jón. 49 jyl paıdalaný quqyǵy bitken soń, sol jer paıdalanýshy nemese onyń urpaǵy ári qaraı paıdalanýǵa alý úshin basym quqyqqa ıe bolýy kerek. Ol úshin Jer kodeksiniń 37 jáne 97 baptaryn túbegeıli qarastyrýdy suraımyz. Endi jerge baılanysty daý tartystyń keleshekte kóterilmeýin tereńirek oılaýymyz qajet, ıaǵnı, jer tek óz azamattarymyzǵa jalǵa berilýi kerek. Olaı bolmaıynsha, ár ýaqytta halyq pen bılik arasyndaǵy túsinistik pen senimge syzat túsý qaıtalana berilýi, jáne ol ulǵaımasa, azaımaýy múmkin.
Aıta keteıik, búgin Jer reformasy jónindegi komıssııanyń birinshi otyrysy jumysyn bastady. Sanıtarlyq normalardy saqtaý qajettiligine baılanysty komıssııa jumysy Aýyl sharýashylyǵy mınıstrliginiń resmı saıtynda jáne Facebook paraqshasynda onlaın kórsetilýde.